Mae’r National Churches Trust, sef yr Ymddiriedolaeth Cadwraeth Eglwysi Hanesyddol gynt, yn elusen gofrestredig Brydeinig a’i nod yw “hyrwyddo a chefnogi adeiladau eglwysig o werth hanesyddol, pensaernïol a chymunedol ar draws y DU”.

Mae’n cyflawni’r nod hwn drwy ddarparu grantiau ariannol i atgyweirio a moderneiddio adeiladau eglwysig, cefnogi prosiectau i alluogi eglwysi i aros yn agored, cydweithio ag Ymddiriedolaethau Eglwysi lleol a chyrff gwirfoddol, darparu cyngor ymarferol, cymorth a gwybodaeth, a gweithio i hybu ymwybyddiaeth y cyhoedd o’r anghenion eglwysi. Ei rhagflaenydd oedd yr Historic Churches Preservation Trust, y mae wedi cymryd drosodd ei swyddogaethau, ynghyd â rhai’r Incorporated Church Building Society.

Mae eglwysi, capeli a thai cyfarfod yn lleoedd trawiadol, cyffrous a rhyfeddol.

Boed ar gyfer addoliad, myfyrdod tawel, mynediad at wasanaethau hanfodol neu ofod i’w archwilio, mae eglwysi’n rhan amhrisiadwy o dreftadaeth y DU a’i gwead cymdeithasol.

Ein gweledigaeth yw bod adeiladau eglwysig ledled y DU yn cael eu cynnal a’u cadw’n dda, yn agored i bawb, yn gynaliadwy ac yn cael eu gwerthfawrogi.

Gan weithio ar lawr gwlad ar draws y pedair gwlad, rydym yn cefnogi eglwysi o bob enwad, gan eu helpu i ffynnu. Fel elusen, rydym yn cael ein hariannu’n annibynnol ac yn dibynnu ar haelioni ein cefnogwyr i wneud y gwaith hwn.

Gwefan: www.nationalchurchestrust.org